Gibatikos si U.S. President Donald Trump human kini nag-post og AI-generated image nga nagpakita kaniya isip usa ka “Jesus-like figure,” sa wala pa kini gitangtang sa iyang social media platform nga Truth Social.
Ang maong hulagway gipagawas dungan sa iyang bag-ong pagbatikos kang Pope Leo XIV, diin gitawag niini nga “weak on crime” ug “terrible for foreign policy.”
Sa AI image, makita si Trump nga nagsul-ob og puti nga robe ug nagtambal og usa ka tawo, samtang nagkupot og usa ka hayag nga orb, uban sa mga simbolo sa background sama sa Statue of Liberty, agila, ug mga fighter jets.
Nag-viral ang post ug mihakot og reaksyon ug kritisismo gikan sa pipila ka konserbatibong grupo nga nagsuporta kaniya, lakip ang pipila ka iladong personalidad sa conservative circles, nga miingon nga dili angay nga ipakita ang usa ka politiko isip relihiyosong figura.
Aduna usab mga kritiko nga nagpasidaan nga ang ingon nga post mahimong makaapekto sa relasyon ni Trump sa religious right, nga usa sa mga nakatabang sa iyang kadaogan sa eleksyon.
Sa laing bahin, nagpabiling hilom ang White House bahin sa insidente, samtang ang maong post gikuha na gikan sa account ni Trump.