Subling gibarugan sa Armed Forces of the Philippines (AFP) nga ipadayon nila ang ilang nasugdan nga pagpapatrolya sa West Philippine Sea (WPS) bisan pa sa mga kritisismo nga naggikan sa China.
Sumala kang AFP Spokesperson for the West Philippine Sea, Rear Admiral Roy Vincent Trinidad, ang mga pahayag sa Chinese Communist Party maoy hinungdan sa giingong “instability” sa WPS, nga matud pa niya kabahin sa exclusive economic zone (EEZ) sa Pilipinas.
Dugang pa ni Trinidad, nga ang mga pagbansay ug pagpatrolya sa Bajo de Masinloc, nga kabahin sa WPS, aprubado, husto nga gi-coordinate, naka-iskedyul, ug subay sa mga kasabutan ug sa mga naglungtad nga balaod.
Samtang, ang mga kalihokan sa China mga unlawful actions ug adunay pagsupak sa a ubang mga nasud sa Southeast Asia ug nakalapas sa international law.
Lakip sa iyang gihisgutan ang iligal nga pagpapatrolya sa China sa WPS ug ang giingong mga pagbansay sa Bajo de Masinloc nga walay igo nga legal nga basihan. Samtang, bag-o lang naghimo ang China og naval ug air patrols sa maong katubigan gikan Lunes hangtod Biyernes sa miaging semana.
Matud pa ni Trinidad, ang maong mga kalihokan sa China wala gi-coordinate ug walay suporta sa naglungtad nga international laws.