Naglunsad og lapad nga kampanya ang administrasyon ni U.S. President Donald Trump aron ihimulag ug hingpit nga bungkagon ang International Criminal Court (ICC), tungod kay giisip kini sa Amerika nga dakong hulga sa ilang soberanya ug nasudnong kagawasan.
Gipahayag ni US Secretary of State Marco Rubio nga hugot nga gisalikway sa Estados Unidos ang hurisdiksyon sa ICC sa pag-imbestigar o paggukod sa mga lungsuranon ug mga opisyal sa ilang nasod.
Aron mapatuman ang maong lakang, ginalantaw karon sa Amerika ang pagpahamtang og travel ban, pagbawi sa mga visa sa mga opisyal sa ICC, ug pagpatuman og mas bug-at nga mga silot o sanctions batok sa maong korte. Gawas niini, mogamit usab og diplomatic pressure ang US aron awhagon ang ubang mga nasod nga mobiya na isip miyembro sa ICC.