Giklaro ni kanhi Alliance of Concerned Teachers o ACT Party-list Rep France Castro, usa sa mga niduso sa impeachment complaint batok kang Bise Presidente Sara Duterte, nga ang ikaduhang impeachment complaint ubos sa 19th Congress gisang-at kagahapon sa buhatan sa House Secretary General.
Sa ekslusibong pakighinabi sa Bombo Radyo Butuan, ang kanhi kongresista miluwat nga kini tungod wala pa mahisgoti sa Senado ang mga merito niini bisan og usa lamang ang basehan niini, ang betrayal of public trust.
Gipasabot sa kanhi magbabalaod, nga catch-all ground kini hilabi na nga wala matud pa tumana sa bise-Presidente ang gipanumpaan nga katungdanan.
Matud niini, adunay misappropriation kon sayop nga paggasto sa P612.5 million confidential funds sa dihang kini pa ang secretary sa Department of Education, ingon man sa Office of the Vice President, human gikaingong wala mosunod sa guidelines sa paggamit sa maong pundo.
Dugang pa niini, ang gikaingong pagbaliwala sa prinsipyo sa transparency ug accountability, base sa taho sa Commission on Audit kon COA, tungod sa kapakyas sa pagpasa sa kompletong liquidation report.
Lakip usab ang mga kuwestiyonableng pirma sa acknowledgment receipts, ingon man ang dereliction of duty sa dihang nagdumili kini sa pag-ila sa opisyal nga katungdanan sa Kongreso human mapakyas sa pagtambong sa mga hearing nga gipahigayon kaniadto.