Nagbayad og P30,000 nga multa ang content creator nga si Francis Leo Marcos ngadto sa Korte Suprema.
Gipamatud-an sa Supreme Court nga guilty si FLM sa indirect contempt tungod sa pagpanamastamas sa proseso sa korte.
Una nang nagpasaka si FLM og petisyon ug mihangyo og injunctive relief human siya ideklarar sa Commission on Elections (Comelec) isip nuisance candidate sa iyang pagdagan isip Senador sa 2025 elections.
Apan human ipagawas sa Korte Suprema ang temporary restraining order (TRO) batok sa desisyon sa Comelec, gibawi usab ni FLM ang iyang certificate of candidacy.
Tungod sa maong buhat, nasuko ang Korte Suprema ug giisip kini nga pagpanamastamas sa awtoridad sa SC.
Niadtong Martes, mipagawas og desisyon ang Korte Suprema nga guilty si Francis Leo Marcos sa indirect contempt.