Gipahinumdoman sa Department of Labor and Employment (DOLE) ang tanang pribadong sektor nga mga employer sa hustong pagbayad sa 13th month pay sa ilang mga empleyado.
Sumala sa DOLE, ubos sa balaod, kinahanglan nga madawat sa mga kwalipikadong empleyado ang ilang 13th month pay sa dili pa o sa mismong Disyembre 24, 2026.
Gipasabot usab sa ahensya nga hugot nga bantayan sa ilang mga regional ug provincial offices ang pagsunod sa mga pribadong kompanya sa maong polisiya.
Base sa advisory sa DOLE, ang 13th month pay katugbang sa kinatibuk-ang basic salary nga nadawat sa empleyado sulod sa usa ka tuig, nga bahinon sa 12.
Dugang pa, adunay katungod nga makadawat sa katugbang nga 13th month pay ang empleyado nga niundang o nag-resign na sa trabaho, basta kwalipikado kini ubos sa balaod.