Napakyas ang testigo sa depensa ni Vice President Sara Duterte sa pagkumpirma kung ang gikalalisang yuta sa Island Garden City of Samal mao ba gyud ang propiedad nga nakatala sa iyang Statement of Assets, Liabilities and Net Worth o SALN.
Kini ang giangkon ni Samal City Assessor Engineer John Kenneth Enumerables atol sa cross-examination ni Private Prosecutor Atty. Benjamin Tolosa Jr. sa nagpadayong impeachment trial sa Senado, human kuwestiyonon ang kalainan sa lokasyon, tuig sa pagpalit ug kantidad sa maong propiedad.
Gipadayag sa testigo nga ang magkaparehong assessed value ug market value lamang ang iyang basihan sa pag-ila sa duha ka rekord, apan wala siyay laing dokumento nga makapamatuod nga usa ra kini ka propiedad. Lahi usab ang acquisition cost sa SALN ug presyo sa deed of absolute sale.
Sa laing bahin, kabahin ang maong propiedad sa mga ebidensiyang gipresentar sa House prosecution kalabot sa alegasyon nga adunay wala madeklarang kabtangan ug unexplained wealth nga mokabat sa labing menos P817.87 milyon ni Duterte gikan 2022 hangtod 2025.