Alex Eala, misaka sa World No. 15 sa bag-ong career-high WTA ranking

Subling nagmugna og kasaysayan ang Filipina tennis star nga si Alex Eala human mosaka sa ika-15 nga puwesto sa pinakabag-ong rankings sa Women’s Tennis Association o WTA.

Gikan sa World No. 19, nga misaka sa ika-17 nga puwesto, midugang pa og duha ka ranggo si Eala human makaabot sa finals sa 2026 Hong Kong Open.

Sa edad nga 21 anyos, nagpabilin siyang pinakataas og ranggo nga magdudula sa Southeast Asia ug ikaduha sa Asya.

Nalabwan usab niini ang four-time Grand Slam champion nga si Naomi Osaka sa Japan.

Nagtigom si Eala og 2,392 ka puntos base sa live rankings.

Gikan sa World No. 53 sa pagsugod sa tuig, mikabat na sa 38 ka puwesto ang iyang pagsaka human makaapil sa 29 ka torneyo ug makuha ang unang Tour-level title sa Washington, D.C.