Padayon nga nagkalapad ang dako nga wildfire sa dakong bahin sa Indonesia nga gilaumang magpagawas og hilabihan ka taas nga carbon emission nga hapit makatabla sa labing grabe nga sunog nga nahitabo sa nasod karong sigloha.
Subay sa labing bag-ong datos gikan sa Global Fire Emissions Database, miabot na sa 76 ka milyon nga tonelada sa carbon (MtC) ang nakatala nga napagawas sa mga sunog sa Indonesia karong tuiga. Tungod sa maong paspas nga pagsaka, ang kahimtang karong 2026 naglihok sa samang lebel ug direksyon sa makalilisang nga wildfire niadtong 2015 diin miabot sa 2.6 ka milyon nga ektarya sa kayutaan ang natupok ug nagtala og 333 ka milyon nga tonelada sa carbon emissions.
Usa sa mga dapit nga nakatagamtam sa maong hilabihang paglapad sa sunog mao ang rehiyon sa Kalimantan. Sa kasamtangan, nagpadayon ang paningkamot sa mga awtoridad sa Indonesia sa pagpawong sa mga wildfire samtang nagpasidaan usab ang mga eksperto sa kalikasan bahin sa peligro nga epekto niini sa kaluwasan sa panlawas ug sa pangkalibutanong klima.