Gipakusgan sa Bukidnon National High School ang mga security measures sulod sa aron masiguro ang kaluwasan sa mga estudyante ug malikayan ang posibleng untoward incidents sulod sa tunghaan.
Matud ni Paul O. Orong, School Principal IV sa National High School nga adunay augmentation personnel gikan sa kapulisan, lakip ang mga criminology students sa Bukidnon State University, nga motabang sa seguridad sa palibot sa eskwelahan.
Gipadayag usab niini nga sa unang mga inspection, nakumpiska ang pipila ka sigarilyo, kutsilyo ug uban pang delikadong butang, apan matud ni Orong, mikunhod na kini sa paglabay sa panahon.
Wala pa usab sila makakumpiska og gituohang iligal nga droga, apan gipasidaan gihapon ang tanang estudyante ug personnel nga magpabiling alerto ug mosunod sa mga security protocols.
Samtang, gipasalig usab sa buhatan sa Police Regional Office 10 nga luwas ug hapsay ang sitwasyon sa mga eskwelahan pinaagi sa pagpalig-on sa seguridad, subling pag-inspeksyon sa mga estudyante, ug pagpatuman sa cyber patrolling batok sa bisan unsang hulga.