Aktres nga si Sue Ramirez nagsubo sa pagpanaw sa iyang inahan

SHOWBIZ — Nagsubo karon ang aktres nga si Sue Ramirez kasunod sa pagpanaw sa iyang pinalanggang inahan nga si Concepcion “Chit” Ramirez.

Pinaagi sa usa ka emosyonal nga post sa social media, nagpaambit ang aktres og mga hulagway ug panumduman kauban ang iyang inahan. Gipadayag ni Sue ang iyang katapusan nga mensahe sa pagpangga ug pasalamat sa tanang sakripisyo, suporta, ug paggiya ni Mommy Chit sa iyang kinabuhi ug karera, diin iyang gihulagway ang maong pagkawala isip kasakit nga dili gyud mawala sa iyang kasingkasing.

Tungod niini, midagsang ang mga mensahe sa pahasubo ug pakigduyog sa kasubo gikan sa iyang mga kaubanan sa industriya sa showbiz, mga higala, ug mga fans alang sa pamilya Ramirez.