Gikondena sa Persons with Disability Affairs Office (PDAO) sa Malaybalay City ang bisan unsang matang sa pagpakaulaw ug diskriminasyon batok sa mga Persons with Disabilities (PWD), kasunod sa kontrobersyal nga pagpanamay kang Josh Aquino sa usa ka podcast sa social media.
Gipahayag ni PDAO Division Head Michelle Timones ang iyang kasagmuyo sa maong insidente samtang gipahinumdoman ang publiko nga mahimong mag-atubang og legal nga konsekwensya ubos sa Republic Act 7277, nga giusab sa RA 9442, ang kinsaman nga modismaya o mobatikos sa kahimtang sa usag usa. Gibutyag usab ni Timones nga sa pagkakaron, moabot na sa 6,648 ang rehistradong PWD sa Malaybalay City, diin ang pipila ka nadawat nga reklamo sa pagpangdaogdaog gipasa na sa City Social Welfare and Development Office alang sa pormal nga aksyon.
Subay niini, nagpahinumdom ang PDAO sa publiko nga tahoron ang dignidad sa mga PWD ug likayan ang paghimo og bisan unsang matang sa diskriminasyon, ilabina diha sa social media.