Nagpadayag og kabalaka ang pipila ka residente sa Poblacion, Cabanglasan human nasudlan sa wala pa mailhing mga kawatan ang usa ka panimalay samtang nangatulog ang mga sakop sa pamilya.
Base sa reklamo sa biktima, gikuhaan og bildo ang bintana sa balay aron makasulod ang mga suspek.
Nadala sa mga kawatan ang cellphone ug bag nga gigamit sa usa ka estudyante, usa ka relo, ug duha ka carwash timer.
Nagpasalamat ang pamilya nga walay nahitabong kadaot sa mga kabataan ug kababayen-an nga nagpabilin sulod sa kwarto sa panahon sa insidente.
Gipahimangnoan usab sa pamilya ang publiko nga dili paliton ang mga butang nga posibleng gikan sa pagpangawat, ilabina ang cellphone ug carwash timer.
Nanawagan ang mga biktima sa lokal nga panggamhanan ug kapolisan nga palig-onon ang seguridad sa lugar ug himuon ang angay nga aksyon batok sa mga pagpangawat aron mapreserbar ang kalinaw ug seguridad sa komunidad.