- Advertisement -
Gipadayag sa Department of Energy (DOE) ang ilang bug-os nga suporta sa panawagan ni Presidente Ferdinand Marcos Jr. nga amendahan ang Electric Power Industry Reform Act (EPIRA) aron matangtang na ang system loss charges sa bayranan sa kuryente sa mga konsumidor.
Sumala sa DOE, andam silang makigtambayayong sa Kongreso, Energy Regulatory Commission (ERC), ug sa nagkalain-laing sektor aron marepaso ang maong balaod ug mapanalipdan ang kaayohan sa publiko.
Gihatagan usab og kabug-aton sa ahensya nga ang pagpakunhod sa system loss pinaagi sa modernong teknolohiya ug mas episyenteng operasyon dako og maitabang aron mapaubsan ang bayranan sa kuryente sa tibuok nasud.
- Advertisement -