WASHINGTON, USA — Gipadaplin ni U.S. President Donald Trump ang bahad sa mayor sa New York City ug gipaneguro nga dili gayod dakpon si Israeli Prime Minister Benjamin Netanyahu samtang anaa kini sa Estados Unidos.
Pinaagi sa usa ka post sa social media, gipahayag ni Trump nga wala’y mahitabong pag-aresto kang Netanyahu sa bisan unsang paagi. Gidepensahan pa niini ang primer ministro ug gipahayag nga nakigbatok ra kini sa Iran, hinungdan nga ang mga lider hinuon sa Iran maoy angay nga dakpon.
Nigawas ang maong kontrobersiya human gipahayag ni New York City Mayor Zohran Mamdani nga nakig-alayon siya sa iyang legal team aron usisahon kon pwede ba nilang ipatuman ang arrest warrant sa International Criminal Court (ICC) batok kang Netanyahu kalabot sa giyera sa Gaza, kon mobisita kini sa UN General Assembly karong Septiyembre.
Samtang, gisaway usab sa opisina ni Netanyahu ang baroganan sa maong mayor ug gitawag ang ICC nga usa lamang ka “kangaroo court”.