MIDDLE EAST — Misamot pa ang tensyon sa Middle East human giatake sa Iran ang mga radar ug air defense installation sa Estados Unidos sa Kuwait ug Bahrain, samtang nagbahad usab ang mga rebeldeng Houthi sa Yemen nga palapdon ang panagbangi.
Nagpasidaan ang Islamic Revolutionary Guard Corps (IRGC) sa mas gamhanang pag-atake gamit ang mga drone ug missile, gawas pa sa gipahigayong pagharang sa duha ka oil tanker sa Strait of Hormuz. Tubag kini sa Iran sa gihimong airstrikes sa U.S. batok sa ilang mga military sites human mapatay ang tulo ka sundalong Amerikano.
Tungod sa nagkagrabe nga gubat, gihulagway ni Iranian President Masoud Pezeshkian ang sitwasyon nga usa na ka “full-scale war”, habang nagpasidaan si U.S. President Donald Trump nga manubag ang Iran. Samtang, nagpahibalo usab ang Houthi rebels og maritime blockade batok sa Saudi Arabia nga posibleng makatugaw sa suplay ug pamatigayon sa lana sa tibuok kalibotan.