Naglunsad ang Ukraine og usa ka dakong pag-atake batok sa Russia, diin sumala sa Russian Army, kapin 140 ka drones ang gigamit sa pagtarget sa St. Petersburg.
Nahitabo ang maong pag-atake samtang nagpadayon ang kataposang adlaw sa annual economic forum sa Russia, hinungdan nga sa unang higayon sukad nagsugod ang gubat sulod sa kapin upat ka tuig, gipahimangnoan ang mga residente nga magpabilin lang sa ilang mga balay.
Nagresulta usab kini og dakong sunog sa usa ka military facility sa Russia.
Matud ni Ukraine President Volodymyr Zelenskyy, ang ilang giatake mao lamang ang mga arsenals ug naval base sa Russia isip tubag sa mga una nga pag-atake.
Gipahayag usab niya nga natarget sa ilang operasyon ang usa ka oil depot sa Krasnodar region sa Russia.