Naigo sa drone nga giingong gikan sa Russia ang usa ka apartment building sa Galati, usa ka nasud nga miyembro sa NATO, nga miresulta sa sunog ug kadaot sa kabtangan.
Sumala sa Romanian General Inspectorate for Emergency Situations, mibusikad ang explosive payload sa drone nga hinungdan sa dakong kalayo sa building.
Duha ka tawo ang nasamdan, samtang kapin 70 ka residente ang gi-evacuate para sa ilang kaluwasan.
Gikondena sa Romania ang insidente ug giingon nga kini usa ka seryosong pag-escalate sa tensyon, ilabi na kay duol sa Ukraine ang lugar nga nahitaboan.
Tungod niini, nagpatawag og emergency meeting ang ilang National Defense Council ug gipahugtan ang air defense ug anti-drone measures.
Wala pa’y opisyal nga pahayag ang Russia, samtang NATO ug mga European leaders midugang og pamahayag sa kabalaka ug pagkondena sa maong insidente.