Naghimo og importanteng desisyon si U.S President Donald Trump samtang nagpahigayon og meeting sa White House Situation Room aron timbangon kung modawat ba sa posibleng deal uban sa Iran.
Sumala sa social media post niini, nga usa sa mga kondisyon mao nga dili gyud tugotan ang Iran nga makahimo og nuclear weapon.
Gilakip usab sa mga kondisyon ang pag-abli dayon sa Strait of Hormuz nga walay bayad o restriksyon sa paglayag sa mga barko.
Dugang usab ni Trump, nga ang mga mina sa maong lugar kinahanglan tangtangon, samtang ang mga barko nga na-trap kinahanglan tugotan na makabiyahe.
Mahitungod sa enriched uranium sa Iran, sigon ni Trump nga kini kuhaon ug gub-on sa Estados Unidos in coordination sa Iran, ug wala pay bisan unsang bayad nga ihatag hangtod sa further notice.
Sa kasamtangan, wala pa’y pinal nga desisyon nga gipahibalo human sa iyang meeting sa advisers.