Turf care influencer nakabuak og Guinness World Record sa labing paspas nga pagtabas og sagbot

Nakatala og Guinness World Record ang usa ka influencer nga nailhan isip “Lawn Queen” human niini gitabas ang mga sagbot sa usa ka lugar nga susama kadako sa football field sulod lang sa wala moabot og 15 minutos.

Si Hali Rieman, nga usa ka turf care influencer, migamit og mower gikan sa Rehlko aron tabason ang sagbot sa TurfMutt Great Lawn sa Louisville.

Nahuman niya ang maong hagit sulod sa 14 minutos ug 51.06 segundos, ug nakabuak sa Guinness World Record alang sa “fastest mowing” sa usa ka lugar nga susama kadako sa American football field.

Sumala sa mga organizers, usa sa mga rekisitos sa Guinness World Records mao nga ang sagbot kinahanglan adunay unom ka pulgadas nga gitas-on sa dili pa kini tabason.