Marcoleta gikwestyon ang timing sa kaso batok kaniya, giingong posibleng politikal ang motibo

Gikwestyon ni Sen. Rodante Marcoleta ang timing sa rekomendasyon nga pasakaan siya og kasong plunder ug indirect bribery, ug giingon nga posibleng adunay politikal nga motibo aron pahilumon ang mga kritikal nga tingog sa gobyerno.

Matud sa senador, nigawas ang maong mga kaso sa panahon nga nagapadayon ang dagkong isyu sa Senado sama sa imbestigasyon sa flood control projects, preparasyon sa impeachment trial, ug uban pang isyu sa giingong political maneuvering.

Gipunting ni Marcoleta nga ang mga kaso dili lang puro legal nga isyu, kundili kabahin usab sa giingong pagsulay sa pagpahadlok o pagpugong sa independent voices sulod sa Senado.