25 hostages, gipangbuhian human ang usa ka Bank Robbery sa Italy

Usa ka dakong operasyon ang gipahigayon sa kapulisan human gi-hostage sa mga armadong suspek ang 25 ka tawo sulod sa sangay sa Crédit Agricole.

Sulod sa duha ka oras nga negosasyon, luwas nga nakagawas ang tanang hostage, apan ang uban nagkinahanglan og medical assistance tungod sa grabeng trauma.

Gigamit sa mga bumbero ang pagbuak sa mga bentana aron matabangan ang mga biktima nga daling makagawas gikan sa lawak diin sila gipangbalhog.

Sa dihang misulod na ang mga special forces, nadiskobrehan nga nakaikyas na ang mga kawatan agi sa usa ka tunnel nga konektado sa sewer system sa dakbayan.

Wala pa matino ang kinatibuk-ang kantidad sa nadala tungod ang mga personal safety deposit boxes maoy gipang-target sa mga suspek imbes nga cash.