Sulod sa walo ka tuig, giantos sa usa ka 46-anyos nga lalaki sa China, nga giila nga si Mr. Wang, ang usa ka 12-sentimetro nga stainless steel chopstick nga natanggong sa iyang tutunlan.
Nahitabo ang aksidente samtang nagkaon kini nga hubog, apan tungod sa kahadlok nga operahan ug samaran ang iyang liog, gipili niini nga antuson lamang ang kasakit.
Nakuha lamang kini sa dihang wala na madala og pain reliever ang grabeng kasakit nga nasinati niini, hinungdan nga dala kining gidala sa Dalian Municipal Central Hospital.
Pinaagi sa tabang sa modernong minimally invasive procedure, nakuha sa mga doktor ang maong metal nga wala na nagkinahanglan ang paghiwa sa iyang liog.
Karon, luwas na ang pasyente ug nagpahinumdom ang mga doktor nga dili gayod balewalaon ang susamang butang aron malikayan ang peligro sa kinabuhi.