BINI, nalakip sa ‘Top 20 Acts to Watch’ sa Rolling Stone alang sa Coachella

Nalakip ang “Nation’s Girl Group” nga BINI sa listahan sa Rolling Stone nga “20 Acts We Can’t Wait to See at Coachella,” diin nakuha  sa maong grupo ang ika-15 nga pwesto.

Sa kapin 140 ka mga artist nga mo-perform sa sikat nga music festival sa Amerika, ang BINI usa sa labing giatngan sa mga kritiko karong tuiga.

Kini usa ka makasaysayanong garbo sa nasud tungod kay ang BINI ang mahimong labing unang Filipino act nga mo-perform sa entablado sa Coachella.

Ang maong pag-ila nagpamatuod nga ang P-pop world-class na ug andam na nga mobida sa tibuok kalibotan.