- Advertisement -
Nagpagawas og mubo apan bug-at nga bahad si US President Donald Trump nga iyang pabusdikon o gub-on ang South Pars gas field sa Iran—ang kinadak-ang gas field sa tibuok kalibutan.
Kini mahitabo kon padayon nga targeton sa Iran ang mga energy facilities sa Qatar. Sa iyang post sa Truth Social, gipasidan-an ni Trump ang Iran nga mobalos ang Amerika kon duna pay mahitabo nga pag-atake sa mga Liquified Natural Gas (LNG) facilities sa Qatar, human naho-t ang mga report sa dagkong kadaut didto tungod sa Iran.
Giklaro usab sa presidente nga wala nay pag-atake ang Israel sa Iran, apan andam ang US nga molihok kon hilabtan pag-usab ang Qatar.
- Advertisement -