Pope Leo XIV, Malampusong gi-operahan sa baga – Vatican

Malampusong gi-operahan si Pope Leo XIV aron tangtangon ang bahin sa ubos sa iyang tuo nga baga human madiskobrehan ang bukol niini sa Agostino Gemelli Hospital sa Rome, Italy niadtong Martes, sumala sa Vatican.

Matud sa medical update sa Vatican, nahuman ang operasyon nga walay komplikasyon ug nakamata ang Santo Papa sumala sa gipaabot.

Gidala kini balik sa iyang kuwarto aron makapahulay human sa operasyon.

Gilauman nga magpabilin sa ospital sulod sa mga usa ka semana ang 71-anyos nga Santo Papa samtang nagpaayo.

Sa pagkakaron, wala pa magpagawas ang Vatican og dugang detalye bahin sa sunod nga lakang sa iyang pagtambal.