kritikal nga kahimtang ang usa ka 54-anyos nga lalaki human gitigbas sa iyang kauban sa inom tungod lamang sa singkwenta pesos (₱50) nga singil sa sigarilyo sa Purok 3, Barangay Mabuhay, Valencia City niadtong Hulyo 25.
Subay sa imbestigasyon sa Valencia City Police Station, nag-inom ang biktima ug ang 44-anyos nga suspek nga giilang si Alyas “Berto” nangaging alas-2:30 sa hapon sa dihang nagkalalis sila human gipabayran sa biktima ang gipagawas nga sigarilyo alang sa suspek.
Tungod sa kasuko, gikuha ni Alyas “Berto” ang usa ka lampas o taas nga matang sa sundang ug kadaghang beses nga gitigbas ang biktima nga nagpahinabo og grabeng samad sa iyang liog ug wala nga kamot.
Dali nga gidala ang biktima sa Valencia Polymedic Hospital apan gibalhin usab kini sa Bukidnon Provincial Medical Center (BPMC) sa Malaybalay City alang sa dugang nga pagtambal.
Sa kasamtangan, nadakpan na sa mga nagresponde nga RPSB personnel ang suspek ug gitugyan na sa Valencia CPS aron mapasakaan og haom nga kasong kriminal.