P2.36-M nga kantidad sa smuggled nga sigarilyo, nasakmit sa kapulisan sa Northern Mindanao

Nasakmit sa kapulisan ang gibana-banaang P2.36 milyon nga kantidad sa mga suggled nga sigarilyo sa Kauswagan, Lanao del Norte,  kaadlawon niadtong milabay’ng adlaw.

Nakumpiska ang 2,950 ream sa mga sigarilyo nga gikatahong smuggled human nakadawat og impormasyon ang kapulisan bahin sa duha ka sakyanan nga padulong sa Barangay Paiton.

Apan pag-abot sa mga pulis, gibiyaan na ang duha ka sakyanan nga maoy gigamit sa pagbiyahe sa mga kontrabando.

Gidala sa Kauswagan Municipal Police Station ang mga nakumpiskang sigarilyo ug ang duha ka sakyanan alang sa tukmang dokumentasyon ug disposisyon.