Nakaangkon og samad sa iyang wala nga bukton ang usa ka 44-anyos nga lalaki human gitigbas sa iyang kaugalingong pamanhonon sa Barangay Santa Felomina, lungsod sa Quezon, Bukidnon niadtong Septyembre 12, 2026 sa gabi-on.
Subay sa imbestigasyon sa Quezon Municipal Police Station, nag-inom ang 25-anyos nga suspek uban sa iyang mga higala sa usa ka waiting shed sa dihang miagi ang biktima. Gisingil sa suspek ang iyang gipahulam nga usa ka sakong abono niadtong Marso, apan sa dihang nitubag ang tiyo nga dili pa niya kini mauli dayon, nasuko ang suspek, migawas og sundang gikan sa sakuban, ug gitigbas ang biktima.
Gidala sa Quezon Health Infirmary Hospital ang biktima alang sa pagpatambal, samtang nagpadayon ang hot pursuit operation sa kapolisan ubos sa pagpanguna ni BukPPO Director PCOL Oliver Sotto Navales batok sa suspek nga mikatkat ug nagtago sa kabukiran human sa insidente.