Lima ka wanted person ang nadakpan sa managlahing operasyon sa kapulisan sa Bukidnon niadtong milabay’ng adlaw, lakip ang usa ka top 6 most wanted person sa munisipal nga lebel.
Nasikop sa Kitaotao si Jurry Mandayanon Talon, 25 anyos, tungod sa kasong attempted murder, nga adunay girekomendang piyansa nga P120,000.
Sa Kadingilan nadakpan usab si Lester Elladora Dura, 20 anyos, tungod sa paglapas sa Sections 5 ug 11, Article II sa R.A. 9165 o Comprehensive Dangerous Drugs Act, samtang si Darwin Dagasal Quiblatan, 22 anyos, nadakpan sa Cabanglasan tungod sa robbery with force upon things.
Sa dakbayan Malaybalay, nadakpan si Karen Nacua Perino, 38 anyos, tungod sa slight physical injury, samtang laing warrant sa attempted homicide ang giserbisyuhan batok kang Talon, nga adunay girekomendang P36,000 nga piyansa.
Sa pagkakaron ang mga dinakpan balhog sa kustudiya sa kapulisan alang sa tukmang disposisyon.