Dili moubos sa tulo ka Palestino ang namatay sa Gaza Strip human sa duha ka nagkalain-laing air strikes nga giingong gihimo sa Israel Defense Forces, sumala sa lokal nga health officials.
Ang insidente nahitabo bisan pa sa ceasefire nga gi-broker sa United States nga nagpadayon na sulod sa kapin lima ka bulan.
Usa ka lalaki ang namatay sa Khan Younis samtang duha ka managsuon ang namatay sa Shuja’iyya human sa laing air strike.
Wala gilayon mipagawas og pamahayag ang militar sa Israel, samtang gipadayag sa Hamas nga ang duha ka managsuon nalambigit sa engkwentro sa usa ka militia nga gisuportahan sa Israel sa wala pa ang pag-atake.
Padayon karun ang tensyon sa rehiyon tungod kay sukad Oktubre 2023, kapin 72,000 na ang namatay, ug misaka pa ang ihap bisan pa sa nagpadayon nga ceasefire.