Nadakpan sa kapolisan ang usa ka 22-anyos nga lalaki pinaagi sa warrant of arrest sa gipahigayon nga operasyon sa Purok 5A, Barangay Panadtalan, Maramag, Bukidnon.
Sa report ni Bukidnon Police Provincial Office (BukPPO) Provincial Director PCol. Oliver Sotto Navales ngadto kang PRO-10 OIC PBGen. Aaron Mandia, giila ang nadakpan nga si James Andre T. Daculos, nga molupyo sa Purok 9, Barangay Base Camp sa maong lungsod.
Sikop si Daculos sa hiniusang operasyon sa Maramag Municipal Police Station (MPS) ug Provincial Intelligence Unit (PIU) subay sa Warrant of Arrest sa kasong Attempted Murder (Criminal Case No. 44057-24) nga gipagawas niadtong Hulyo 9, 2026. Walay girekomendang pyansa o bail bond ang Korte alang sa iyang temporaryong kagawasan.
Kasamtangang gitanggong ang suspek sa Maramag MPS alang sa saktong pagproseso ug disposisyon sa iyang kaso.