KADINGILAN, BUKIDNON — Sikop ang usa ka 28-anyos nga newly identified drug personality human gipahigayon ang usa ka joint drug buy-bust operation sa Purok 2, Barangay Baroy, Kadingilan, Bukidnon.
Sa report ni Bukidnon Police Provincial Office (BukPPO) Provincial Director PCol. Oliver Sotto Navales ngadto kang PRO-10 OIC PBGen. Aaron Mandia, giila ang nadakpan sa alyas nga “Jan2x”.
Nahitabo ang operasyon pinaagi sa Kadingilan Municipal Police Station (MPS) Drug Enforcement Unit ug 2nd Provincial Mobile Force Company. Nakumpiska gikan sa suspek ang pito ka heat-sealed plastic sachets sa gituoang shabu nga nagtimbang og 1.3471 ka gramo ug nagkantidad og ₱9,160, lakip ang usa ka cell phone, motorsiklo nga walay plaka, ug ang ₱1,000 nga buy-bust money.
Gipahiluna na sa Kadingilan MPS ang suspek nga nag-atubang karon sa kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002, samtang gidala na sa Bukidnon Provincial Forensic Unit ang mga nakumpiskang ilegal nga droga alang sa eksaminasyon.