11 patay sa shooting incident sa usa ka football match Mexico

Patay ang 11 ka tawo human sa pagpamusil sa usa ka football pitch sa Mexico.

Sumala sa mga otoridad, kalit lang miabot ang mga armadong suspek sa lugar diin nagtapok ang mga tawo ug walay hunong nga nagpa-ulan og bala sa lungsod sa Salamanca.

Daghan usab ang nasamdan sa maong insidente ug gidala dayon sa mga balay tambalanan alang sa atensyong medikal.

Nagatan-aw lamang ang mga tawo sa duwa sa lokal nga football team dihang kalit silang gipamusil sa mga suspek.

Sa pagkakron padayon pang giimbestigahan sa mga otoridad ang motibo sa maong pagpamusil ug ang pagkaila sa mga responsable sa insidente.