Naglunsad og dakong manhunt operation ang kapulisan sa Johannesburg batok sa mga suspek sa pagpamusil nga miresulta sa pagkamatay sa 12 ka tawo.
Dili moubos sa 10 ka armadong suspek ang giingong nalambigit sa insidente.
Sumala sa mga awtoridad, misulod ang mga suspek sa Jumpers Informal Settlements ug kalit nga nagpamusil.
Gihulagway sa kapulisan ang maong panghitabo isip usa ka mabangis ug walay kalooy nga krimen.
Padayon karon ang imbestigasyon aron masayran ang motibo sa mga suspek sa maong pag-atake.
Samtang, nagtuo ang pipila ka mga miyembro sa komunidad sa Jumpers nga posibleng adunay kalabotan ang insidente sa panagbangi tali sa ilang grupo ug laing grupo nga nalambigit sa kalihokan sa pagmina.
Sumala sa mga taho, nagkadaghan na ang mga kaso sa ilegal nga pagmina sa maong lugar, nga gituohang maoy usa sa mga hinungdan sa tensiyon tali sa mga grupo.