10 patay sa pagbusikad sa fireworks atol sa religious festival sa Mexico

Napulo ka kinabuhi ang nakalas samtang 64 ang nasamdan human mibusikad ang mga fireworks atol sa usa ka religious festival sa Mexico.

Nahitabo ang insidente sa mga gitagong pabuto duol sa Santa María Canchesdá, diin gihimo ang selebrasyon sa kapistahan sa Our Lady of Light.

Tungod sa kakusog sa pagbusikad, nadaot ang bahin sa simbahan ug adunay pipila ka tawo nga naipit sulod sa istruktura. Lakip sa mga nasamdan ang duha ka pari ug mga bata.

Padayon pa ang imbestigasyon sa mga otoridad aron -masuta ang hinungdan sa insidente ug kung kinsa ang responsable sa pagtipig sa mga pabuto.