Dugang usbaw sa presyo sa produktong petrolyo, gipatuman karong adlawa

Gipatuman karong adlawa, Martes, Setyembre 8 sa buntag, ang bag-ong oil price hike sa tibuok nasud, diin misaka og ₱4.69 ang matag litro sa gasolina, samtang ₱5.18 matag litro ang diesel, ug ₱5.58 matag litro ang kerosene, base sa kalkulasyon sa Department of Energy o DOE.

Ang pagsaka sa diesel usa sa pinakadakong price adjustment ning kasamtangan, ug miabot kini usa lamang ka semana human sa rollback nga dul-an ₱4 matag litro.

Tungod niini, dugang nga gasto ang atubangon sa mga motorista, operators ug mga negosyo nga nagsalig sa petrolyo sa ilang adlaw-adlaw nga operasyon.

Mahimong magkalahi ang aktuwal nga presyo depende sa oil company ug gasolinahan.