Zelensky, gipasalamatan si Trump human sa positibong panag-hisgut bahin sa Russia sanctions ug defense cooperation

Gipasalamatan ni Ukrainian President Volodymyr Zelensky si US President Donald Trump sa nahimong positibong resulta sa ilang panag-istorya sa telepono.

Matud pa nini, nga gikaingong nahisgutan ang dugang nga mga sanctions sa Russia, kooperasyon alang sa depensa ug drone productions.

Ang maong panag-hisgut nahitabo usa ka adlaw sa wala pa mibisita ang US envoy nga si Steve Witkoff sa Russia diin gikaingong makahinabi si Presidente Vladimir Putin.

Kahinumdoman nga gihulga ni Trump nga mag-atubang og bug-at nga mga sanctions kauban ang mga nasud nga nakignegosasyon sa Russia kung dili sila motubag sa gisugyot nga ceasefire.