Tanggong sa bilanggoan ang duha ka suspetsado sa ilegal nga droga, lakip ang usa ka giilang High Value Individual (HVI), human masikop sa hiniusang buy-bust operation sa mga otoridad sa Zone 4, Barangay Kauswagan, ning dakbayan, niadtong adlawng Biyernes, Mayo 29, 2026.
Giila sa kapulisan ang mga dinakpan nga silang alyas Sam, 20 anyos ug residente sa maong dapit, uban ni alyas Abdul, 25 anyos, nga lumulupyo sa Upper Nazareth.
Ang malampusong operasyon gipahigayon sa City Drug Enforcement Unit (CDEU) sa Cagayan de Oro City Police Office sa panguna ni Police Major Aldren Estrada Baculio, uban ang City Mobile Force Company ug sa koordinasyon sa PDEA Region 10.
Narekober gikan sa mga suspetsado ang unom ka pakete sa gidudahang shabu nga mitimbang og 300 gramo ug adunay gibatunang kantidad nga Php 2,040,000.00 base sa standard drug price.
Lakip sa nasakmit ang buy-bust marked money, digital weighing scale, mga paper bag, eco-bag, ug usa ka Android cellphone. Mag-atubang ug kasong paglapas sa Republic Act 9165 o Comprehensive Dangerous Drugs Act of 2002 ang mga dinakpan.