Posibleng tangtangon na sa Estados Unidos ang naval blockade didto sa Strait of Hormuz! Kini ang gianunsyo ni US President Donald Trump, diin gikatakdang makig-atubangay kini sa iyang mga aides karong adlawa, Sabado (oras sa Pilipinas), aron hingpiton ang pinal nga desisyon batok sa Iran.
Base sa pamahayag sa White House, nagka-uyon na ang maong duha ka kampo nga i-extend ang ceasefire sulod sa 60 ka adlaw alang sa negosasyon, apan wala pa kini pirmasi sa presidente tungod sa pipila ka kausaban sa framework.
Sa pikas bahin, wala matud pay pagsalig si Iran top negotiator Mohammad Bagher Ghalibaf sa maong saad ug gihimug-atan nga aksyon lamang ang ilang basihan.
Samtang misamot usab ang tensyon sa Middle East human gimanduan ni Israeli Prime Minister Benjamin Netanyahu ang mga sundaloan niini nga sakupon ang 70 porsyento sa Gaza taliwala sa giingong ceasefire ug padayong pagpamomba.