Mas gipili ni Vice President Sara Duterte nga magpabiling “single and ready to mingle” sa politika kaysa muanib og partido, bisan sa PDP-Laban nga gidumala karon sa iyang igsuon nga si Davao City Mayor Baste Duterte.
Kini sa taliwala sa temporaryong pagbiya ni Senator Robin Padilla isip presidente sa PDP-Laban. Taliwala pa sa papel sa iyang igsuon, dili gihapon interesado si VP Sara nga mosulod sa maong partido, tungod sa iyang kasinatian sa mga alyansa nga nasinati niya kaniadto.
Wala man niya direktang gihisgutan ang pagkabungkag sa alyansa nila ni President Marcos, apan klaro nga naapektuhan niini ang iyang panan-aw sa mga pakig-alyansa.Kahinumduman, ni-resign siya sa Lakas-CMD niadtong Mayo 2023 tungod sa panagbangi nila ni Speaker Martin Romualdez.