MALAYBALAY CITY – Miabot sa 70 ka mga indibidwal ang gipangdakop sa Bukidnon Police Provincial Office (BPPO) sa gihimong serye sa mga operasyon sugod Mayo 4 hangtod Mayo 10 ning tuiga.
Sa datus gikan sa BPPO, nasakmit ang mokabat sa ₱414,694.40 nga kantidad sa shabu ug marijuana gikan sa 17 ka mga personahe nga nalambigit sa ilegal nga droga. Gawas niini, 29 ka wanted persons ang nasikop pinaagi sa manhunt operations, samtang lima usab ang nadakpan sa anti-illegal logging lakip ang pagkarekober sa kapin 7,000 board feet nga ilegal nga kahoy.
Nakuha usab sa mga otoridad ang tulo ka mga loose firearms sa tulo ka managlahing operasyon diin usa ang nadakpan. Ang maong sunod-sunod nga operasyon sa probinsya dakong hinungdan sa pagkapuno karon sa mga selda sa nagkadaiyang lungsod ug dakbayan sa Bukidnon.