Napalit sa kantidad nga $812,500 ang usa ka botelya nga ilimnon gikan pa sa tuig 1945 og nahimong pinakmahal nga wine nga nabaligya sa usa ka auction.
Sumala sa Acker, ang 750 ml nga botelya sa 1945 Domaine de la Romanée-Conti 1945, nga gikan sa personal wine cellar ni Robert Drouhin, nabaligya sa record-breaking nga presyo atol sa ilang La Paulée auction niaging Domingo.
Ang nag-unang rekord sa pinakamahal nga botelya nga ilimnon sa auction natala pa niadtong 2018 sa kantidad nga $558,000.
Ang 1945 Romanée-Conti mao ang katapusang vintage sa wala pa natanom pag-usab ang pinakadaang ubasan sa Domaine de la Romanée-Conti, nga nakalahutay sa phylloxera, duha ka World War, ug hapit usa ka siglo nga kasaysayan sa Burgundy.
Sumala pa sa Acker, ang presyo sa maong botelya giisip nga usa sa pinakalami nga ilimnon nga natilawan sa mga eksperto sa wine industry.