Nalikayan sa pop superstar nga si Britney Spears ang pagkabilanggo human siya miangkon sa kasong reckless driving (pabaya nga pagmaneho) isip bahin sa usa ka plea deal didto sa California.
Ang maong kaso naggikan sa iyang pagkasikop niadtong Marso tungod sa pagmaneho ubos sa impluwensya sa ilimnon o drugas (DUI). Ubos sa maong kasabutan, gipaubos ang iyang kaso ngadto sa mas gaan nga salaod. Gisentensiyahan ang 44-anyos nga singer og 12 ka bulan nga probation ug gimandoan nga motambong og mga klase mahitungod sa peligro sa DUI ug magpadayon sa iyang mental health therapy.
Sumala sa iyang abogado, gihimo kini aron mahatagan na og tululdok ang legal nga isyu ug makatutok si Britney sa iyang kaayuhan. Gidayeg usab sa mga otoridad ang daling pag-angkon ni Spears sa iyang sayop ug ang iyang tinguha nga magbag-o.