- Advertisement -
Nagviral karon sa social media ang usa ka maalamon ug kugihan nga iro gikan sa Asuncion, Davao del Norte, human kini nahimong instant celebrity tungod sa talagsaon niining katakos sa pagtabang sa uma.
Sa video nga gi-upload ni Dolores Tabu De Jesus niadtong Abril 28, 2026, makita ang maong binuhi nga ilabihan kahanas molangoy sa tubigan aron pamuniton ang mga nangatagak nga lubi ug ihatod kini ngadto sa iyang tag-iya.
Bisan pa man sa kakapoy ug sa grabeng paningkamot, wala kini mohunong sa pagtrabaho, hinungdan nga dako ang pagdayeg sa mga netizens sa pagkamaunongon ug talagsaong kaalam sa maong mananap nga nagsilbing dakong tabang sa panginabuhian sa iyang pamilya.
- Advertisement -