Gimando ang Presidente sa Estados Unidos nga si Donald Trump ang pagbutang sa ilang mga nuclear submarines duol sa teritoryo sa Russia.
Ang maong lakang human sa nahitabong pagbinayloay og pulong tali sa Presidente sa US ug ni Deputy Chairman sa Security Council sa Russia nga si Dmitry Medvedev, may kalabotan sa giingong pagpanggipit sa Russia.
Matud ni Medvedev, nga posibleng mosugod ang usa ka Cold War ug mapugos ang Russia sa paggamit sa ilang nuclear capabilities kung ipiton sila Estados Unidos.
Una nang mimando si US President Trump, nga hatagan og napulo ka adlaw si Presidente sa Russia nga si Vladimir Putin aron motubag sa ilang ceasefire agreement tali sa Ukraine.
Kung mapakyas ang Russia sa pagtubag, mapugos ang Estados Unidos sa pagpahamtang og bug-at nga mga silot batok niini.