Gibasol ni US President Donald Trump ang administrasyon ni kanhi Presidente Rodrigo Duterte sa pagbugnaw sa relasyon tali sa Amerika ug Pilipinas.
Sa unang panagkita ni Pangulong Ferdinand Marcos Jr. ug ni US President Donald Trump sa White House sa Washington D.C., giila sa duha ka lider ang pag-uswag ug paglig-on pag-usab sa alyansa sa duha ka nasud.
Matod ni Trump, ang kanhi lider sa Pilipinas nga pro-China ang hinungdan sa pagkabugnaw sa relasyon tali sa duha ka nasud. Giklaro niya nga dili si Marcos Jr. ang responsable sa kahimtang sa Pilipinas ning kasamtangan, apan ang miaging administrasyon.
Bisan pa man sa paninguha sa Pilipinas nga mapaayo ang relasyon niini sa China, giingon ni Trump nga importante gihapon ang alyansa sa Pilipinas ug Amerika.Gipadayag sab ni Trump ang iyang suporta kang Marcos Jr. tungod sa iyang independent foreign policy, ilabi na sa paningkamot nga mapalig-on ang pakig-alyansa sa mga tradisyonal nga kaalyado sama sa Amerika.
Gisuportahan ni Trump ang mga lakang ni Marcos alang sa kaayohan sa nasud.