US military, nagplano matod pa nga maglunsad og ‘ground mission’ sa Iran

Gikataho nga nagplano karon ang militar sa Estados Unidos nga magpahigayon og usa ka ground mission o operasyon sa yuta didto sa nasud sa Iran.

Kini nga lakang nagsunod sa gipahigayon nga malawakang mga airstrike sa Amerika sa nagkalain-laing dapit sa maong nasud isip panimalos sa mga pagpangatake batok sa ilang mga pwersa. Matod sa mga report, tumong sa giingong plano nga hingpit nga bungkagon ang mga pasilidad sa mga militanteng grupo.

Taliwala niini, dako ang kabalaka sa nagkalain-laing kanasuran nga kon hingpit nga madayon ang maong operasyon sa yuta, mosamot pa ug mosilaob og maayo ang tensyon ug giyera sa Middle East.