Wala gidawat ni Rovelyn Baterbonia, inahan sa mipanaw nga Ateneo rookie nga si Rene Baterbonia, ang gipagawas nga video statement ni head coach Tab Baldwin nga nangayo og pasaylo kalabot sa trahedya didto sa Dipaculao, Aurora.
Giit sa nagpait nga inahan nga dili igo ang pasaylo ug dili niya madawat ang rason nga usa lang ka “ordinaryong aksidente” ang pagkalunod sa iyang 19-anyos nga anak ug kauban niining si Divine Adili sa usa ka team-building activity. Napungot usab si Gng. Baterbonia tungod kay sa social media na niya unang nahibaloan ang dautang balita ug wala man lang nakig-istorya kaniya og personal ang maong coach.
Una nang miangkon si Baldwin sa iyang leadership failure o kapakyasan isip lider sa maong insidente, samtang padayon karon ang gihimong lawom nga imbestigasyon sa National Bureau of Investigation (NBI).