Nanawagan si UN Special Rapporteur Irene Khan sa gobyerno sa nasud Pilipinas nga musalmot pag-usab sa International Criminal Court (ICC) ug ratipikahan ang International Convention for Protection of All Persons from Enforced Disappearance.
Sa iyang pamahayag atol sa ika-59th session sa UN Human Rights Council, giawhag ni Khan ang administrasyon ni Pangulong Ferdinand Marcos Jr. nga magpagawas og executive order sa pagkondena sa red-tagging ug pahamtangan og silot ang mga nalambigit niini.
Gipunting usab niini ang kamahinungdanon sa pagpalig-on sa kasabutan, pagprotekta sa tawhanong katungod, ug kagawasan sa pagpahayag sulod sa usa ka nasud.
Gisaway niini ang ang padayon nga red-tagging, harassment, paghilom-hilom sa mga mamahayag, aktisbista ug uban pa diin mukabat na sa 450 ka kaso ang natala kabahin sa maong isyu.
Gikabalak-an usab niini ang kahimtang gumikan daghan ang nalambigit sa maong kaso nga anaa sa kagamhanan.
Dugang pa ni Khan, kinahanglan hatagan og kagawasan ang mga biktima nga nabilanggo gumikan sa walay insaktong basehan.
Matud pa niini, angay paimbestigahan ang mga kaso sa pagpatay ug ang mga pagkawala o pagkabanhaw sa pipila ka mga indibidwal aron masuta ang kamatuoran.
Giduso ni Khan nga dili igo ang mga lakang sa gobyerno sa pagresolba sa mga isyu busa kihanglan palapdan kini sa international nga lebel.